E Katauraoaki iroun Tekoua Ienraoi (Librarian) ao Meere Korauaba:

Sunrise bon te reirei ae e tei i Temwaiku are ngaia naba te moan reirei n te Primary ae e katea ana library ibukiia te nati n Temwaiku.  I bukin te iango ae e tamaroa aei are e a uotaarake aran Sunrise bwa e kaunga te wareware irouia ataei aika a uarereke ao ni kona naba ni bita te anua are te rawa n taetae ni i Matang.  N te tai aei ao a kantaningaaki ataein Sunrise bwa e na iai te bitaki nakoia ataei riki n te taetae ni imatang ngkai e a waaki te katango boki nakoia ataeina man te ririki 2021 nakon te tai aei.

MOAN KATEAN ANA LIBRARY SUNRISE:

E moana tein te Library n te bong ae 31 n Maati 2021 imwiin aia kareke iango Taan Reirei n nooran mwaitin te boki n nikiraki n te kaawa n Reirei man bootaki aika a kakaokoro.  E a iangoaki bwa e na tei ngaia are a butiiaki kaain te National Library mai Bairiki bwa a na buoka aron karaoan aia Library ataein Sunrise. A kaoaki kaain te National Library i Bairiki ao a roko n set up te Sunrise Library n 15 n Eberi, 2021.

TAABO AKE A ROKO MAI IAI BOOKI:

A kakaokoro taabo ake a karokoi booki n ara reirei bwa te KEIP rinanon MOE, te Rotary club, te Chinese Office mai Bairiki, te Red Cross ao ai Nei Deb  te I-Australia  are e aki toki n anga ana ibuobuoki ibukiia ataein Sunrise iaon Temwaiku.

TE RUU IBUKIN TE LIBRARY:

Ti a butiia kaain te National Library aron katean ara library ao a roko ni kakaea te ruu ae a kona n set up ibukin aia library ataein Sunrise. E reke te ruu teuana ae e uarereke ao a ibuobuoki ma Taan Reirei ni karaoa te katamaroa ma baroongan te boki n rinaniia aika a kakaokoro.

A kabonganaa te ruu anne ataei ibukin aia library n te ririki ae 2021 ao ni kabanei raoi aia wareware ni kamanenaa te auti ni Kiribati are a wareware iai ma aia Taan Reirei.

N te ririki aei 2022 ao e a manga kamwaingaki te Library nakon te spare classroom are akea kaaina ngke a namakina iai te mwengaraoi ataei, taan reirei ao ai bon kaaro ma tiibu.

A namakina te mwengaraoi ngkai a bon rinnako ma aia ataei ni kakaeai aia boki ngkai e a rang ni bubura nanona.  Ngkai n tain aia library ataei ma aia Taan Reirei ao a bane n rinnako ni wareware.

MWAITIN TE BOKI:

Imwiin are a katokaaki booki iroun te Librarian ao e nooria bwa 440 mwaitin booki ake a kanakoaki nakoia ataei ao imwiina ngke e a manga karaoaki te record nakon te accession register ao e a raka mwaitin te boki nakon 551. Iai te kantaninga bwa e na rikirake mwaitin booki aika a na katokaaki n te shelves ngkana a manga roko riki 3 shelves man te Botaki n Reirei rinanon bubutiaaia ibukin ara library.

TE TUA:

Ngke e nang kaukaki nako te boki nakoia kaaro ao e bon kateaki moa te tua ibukin te tangoboki bwa aonga n teimatoa raoiroin te boki.

Aikai tuua ake a bane ni boraoi n iango iaona Taan Reirei ma te Librarian.

1. Te rimwi ni kaoki boki: 50¢ n te bongina
2. Te kabarekareka nakon te boki ao otootean baana: $10
3. Te kabua boki: $20
4. E na bon kaoka te boki te tia tango boki bwa ngkana iai te uruaki ao e na kabwaka tuuana n te tai are e kaoka iai ana boki.
5. Ko na sign n te tabo n te boki teuana ibukin kakoauaan ae ko bon kukurei ni kabomwii ngkana iai te kanganga nakon am boki.

E teimatoa te librarian ni record araia kaaro ake a roko n tango boki ibukiia aia ataei ao ni rikoi naba tuua ake a nikiraki irouna n taai nako.  Ngkai iai te tua ao a bon kakaonimaki kaaro ma tiibu n ira raoi nanona bwa bon te boki ibukiia aia ataei. E rikirake te mwaiti tangiran te tango boki ma tararuaan raoi te boki irouia kaaro ma tibbu ao aei are e kaungaa naba nanoia aia ataei ni kan wawareware ni aia tai ni mwengaia aika a kakaokoro.

TIMETABLE:

Iai te Timetable are e a manga barongaaki ibukiia ataei n tain aia English Class nakoia kaain te Morning ao te Afternoon.  Bwa te Tuesday ibukiia kaain te Morning ao Thursday ibukiia kaain te Afternoon ao Kaaro bon Monday ao Wednesday.

Friday bon ana tai n kaoki boki te Librarian ngkai akea iai te roko n tango boki.

• Aia tai Kaaro ni katoa Moanibong ao Katenibong.
• Ataein te reirei bon te Kauabong ao Kaabong
• Te Kanimabong tain kaokaan taian boki ake a tangoaki.

BONGANAN AO RAOIROIN TE LIBRARY:

E kaota kukureina te Chief Librarian man te National Library i Bairiki bwa ngkai ai bon tibwa te moan reirei Sunrise ni katea ana library ao ni kanakoa nakoia kaain te Community ao e nang taraia bwa te English i Sunrise e na iai te kaokoro n te bwii riki n te English STAKI results nakon are mai imwaaina.

E kakukurei ao e kaungaa te nano bwa ti na riai ni kateimatoa te tango boki ao ni kawarewareia raoi ara ataei bwa e na uaana aia boki are a tangoia n te library.  E kakawaki teuana te taeka ae boou n tain aia wareware bwa bon te English ae ngaia e kauka te kawai nakon te rabakau.  Ti a buokiia ara ataei nakon aio  ngkai bon ngaiia taan bita Temwaiku nakon taai aika imwaaira.

IANGO NI KATAMAROA:

Iai naba ana iango te reirei ni kaunga te tango boki nakoia ataein Temwaiku ake a reirei n reirei tabeua iaon Tarawa ni kaungaiia bwa a na roko n tango boki ma anne are a na roko n te Kaonobong ao a na pay 50c n aia tai n tango boki ma ana bon ira naba ana kainibaire te Sunrise Library. Te 50c aio bon buokan naba butin te library ngkai e bon mwanenna moa ngkai kabooan te Librarian ara reirei ae Sunrise.

E na waaki kanoan te tango boki n Saturday man bongin te motirawa bwa a na aki bwaka aia reirei ataei ma a na reitia n te wareware n booki aika a kakaokoro ao a bon  kaungaaki naba kaaro ake a mwakuri bwa aia tai n tango boki naba anne.  .

E nooraki bwa e rikirake te tango boki ao are ti a kaungaiia kaaro, tiibu ma taan tararuaia ataein Sunrise bwa a na kona ni kairiia aia ataei nakon te National Library i Bairiki ni katoa Kaonobong koraki ibukin noorakin aron  kabonganaan booki aika a kakaokoro ake akea n aia library n Sunrise.

KAINIIN:

Te karabwarabwa nakon te Chief Librarian ma ana staff man te National Library ao rabwata ake a bwai n tangira te boki nakon ara reirei, Taan Reirei, Te Librarian, Kaaro ma Tiibu ao Taan Tararuaia ataein Sunrise ibukin nanoia ni boutoka te iango aio nakon te nati n Sunrise iaon Temwaiku.

Ti karabwa naba MOE ibukin boutokaan aia iango Taan Reirei iaon katean te Library.  Te kantaninga bwa e na kateimatoaaki raoiroin te katango boki ibukin te roro n rikirake iaon Temwaiku,